Pengembangan Film Animasi sebagai Media Pembelajaran Menyimak Cerita Rakyat bagi Siswa Kelas V Sekolah Dasar


Emi Hidayah, 2102407164 (2011) Pengembangan Film Animasi sebagai Media Pembelajaran Menyimak Cerita Rakyat bagi Siswa Kelas V Sekolah Dasar. Under Graduates thesis, Universitas Negeri semarang.

[thumbnail of Pengembangan Film Animasi sebagai Media Pembelajaran Menyimak Cerita Rakyat bagi Siswa Kelas V Sekolah Dasar]
Preview
PDF (Pengembangan Film Animasi sebagai Media Pembelajaran Menyimak Cerita Rakyat bagi Siswa Kelas V Sekolah Dasar) - Published Version
Download (156kB) | Preview

Abstract

Hidayah, Emi. 2011. Pengembangan Film Animasi sebagai Media Pembelajaran Menyimak Cerita Rakyat bagi Siswa Kelas V Sekolah Dasar. Skripsi. Jurusan Bahasa dan Sastra Jawa, Fakultas Bahasa dan Seni, Universitas Negeri Semarang. Pembimbing I: Dra. Esti Sudi Utami B.A., M.Pd., Pembimbing II: Yusro Edy Nugroho, S.S., M.Hum. Tembung pangrunut : pengembangan, film animasi, media, cerita rakyat. Nyemak kalebu perkara kang wigati ing pamulangan. Nyemak mujudake salah sijining faktor kang nemtokake bisa orane siswa anggone nampa materi. Mula kuwi, siswa sing kaprigelane nyemak kurang apik, bakal kangelan nampa materi saka guru. Tekan saiki, pamulangan nyemak crita rakyat ing sekolahan isih ngadhepi pirang-pirang perkara, salah sijine yaiku media pamulangan kang winates. Guru durung nduweni media pamulangan kang narik kawigaten siswa. Media kang digunakake guru mung kuwi-kuwi wae. Perkara iki ndadekake siswa bosen karo pamulangan nyemak, saengga siswa kangelan nampa materi saka guru. Adhedhasar perkara kasebut, perlu digawe media pamulangan nyemak crita rakyat sing bisa narik kawigaten siswa. Undering panaliten yaiku kepriye nganakake film animasi minangka media pamulangan nyemak crita rakyat kang bisa trep karo kabutuhane guru lan siswa kelas V SD. Ancase panaliten iki yaiku nganakake film animasi kanggo media pamulangan nyemak crita rakyat kang bisa trep karo kabutuhane guru lan siswa. Panaliten iki nggunakake dhasar Reaserch and Development (R&D). Prosedur panaliten iki kaperang dadi limang perkara, yaiku analisis kabutuhan, nglumpukake data lapangan, nggawe desain media, validasi desain, lan revisi desain. Data ing panaliten iki yaiku data analisis kebutuhan, data desain media film kang dianakake, data uji ahli, lan data prototipe media film animasi. Kanggo ngumpulake data nggunakake angket arupa angket kebutuhan lan angket uji ahli. Teknik analisis data nganggo teknik deskriptif kualitatif. Panaliten iki ngasilake media nyemak crita rakyat kang jumbuh karo kabutuhan guru lan siswa kelas V SD. Media kasebut awujud film animasi “Ajisaka” nganggo basa Jawa. Urut-urutane nggawe media iki kaperang dadi rong perkara yaiku (1) nemtokake kompetensi kang arep dianakake, (2) nganakake produk, antarane nemtokake irah-irahan, standar kompetensi, kompetensi dasar, indikator, materi pokok, nggawe storyboard script lan skenario, sarta (3) nggawe film animasi. Adhedhasar uji media, ana sing kudu didandani ing film yaiku swara kudu diserokake maneh, owahe saben frase dialusna, ndandani gambar, nambahi pitakonan awujud print out, lan irah-irahane film kudu diganti. Prototipe kang wis didandani banjur dipindah ing VCD. Saka panaliten iki, panulis atur pamrayoga (1) film animasi/kartun prayogane bisa digunakake ing pamulangan, ora mung kanggo tontonan, (2) panulis ngrumangsani durung sampurna anggone nggawe media iki, mula panulis uga ngusulake supaya ana panaliten-panaliten liya kanggo nyampurnakake panalitin iki, (3) prayogane ing pamulangan guru nganakake inovasi supaya narik kawigaten siswa.

Item Type: Thesis (Under Graduates)
Uncontrolled Keywords: pengembangan, film animasi, media, cerita rakyat
Subjects: P Language and Literature > PI Oriental languages and literatures > PI1 Indonesia > Pendidikan Bahasa dan Sastra
Fakultas: Fakultas Bahasa dan Seni > Pendidikan Bahasa dan Sastra Jawa (S1)
Depositing User: Users 3313 not found.
Date Deposited: 14 Nov 2011 01:03
Last Modified: 14 Nov 2011 01:03
URI: http://lib.unnes.ac.id/id/eprint/7507

Actions (login required)

View Item View Item